Oza čájáhussaji 2024:s

Hálidat go doallat čájáhusa Kunstnerforbundetas 2024:s? Min ohcansiidu lea rabas dál. Čájáhussaji ohcanmearri lea duorastat 1. b. čakčamanus 2022, dii. 23.59.

Sihke dáiddárat, dáiddaduojárat ja duojárat sáhttet ohcat čájáhussaji, beroškeahttá dáiddaoahppus ja miellahttovuođa dáiddaservviin. Kunstnerforbundet háliida máŋggabealat ja girjái prográmma ja ávžžuhit buot dáiddáriid ohcat, beroškeahttá sohkabeliin, čearddalašvuođas, oskos, doaibmannávccain, agis ja sojus.

Loga eambbo Kunstnerforbundet birra ja ovddeš ja dálá čájáhusaid dás.

Juohke ohcci ferte ođđa geavaheaddji ohcansiidui dieđihit, persovdnagáhttema dihtii. Don oaččut e-poastta bokte liŋka mainna beasat sisa, baicce go ráhkadit beassansáni. Dán liŋkka geavahat sihke go dieđihat ođđa geavaheaddjin ja go áiggut ođđasit beassat sisa. Sáhtát vurket ohcamuša dađistaga barggadettiin gitta ohcanáigemearrái.

Ohcamušši čálát prošeaktačilgehusa, guđe lanjas hálidat čájehit, dáiddár-CV ja dáiddalaš duođaštussan dahje evttohussan 10 JPG-govaid ja/dahje liŋkka videoaide/jienaide YouTubeas dahje Vimeoas. Dađi bahábui, mii eat sáhte váldit vuostá ohcamušaid e-poastta bokte, PDF dahje fysálaš formáhtain. Juohke ohcci sáhttá dušše ovtta čájáhusohcamuša sáddet sisa.

Mii dáhttut du buori áiggis válmmastit ja sáddet sisa ohcamuša, amas eai šatte váttisvuođat ja liigenoađuheapmi min siiddus go olu ohccit leat oktanaga siste.

Bajimuš dán siiddus sáhtát válljet dan giela maid hálidat geavahit ohcansiiddus.

Mii meroštallat vástidit ohcamuša birrasii ođđajagi.

Ollu lihkku!

Dieđit ođđa geavaheaddjin

Beasa sisa