Oza čájáhussaji 2027 ja 2028:s
Hálidat go čájehit dáidaga dahje duoji Kunstnerforbundetas 2027 dahje 2028:s? Čájáhussaji ohcanmearri lea vuossárgga 1. b. čakčamánus 2025.
Geat sáhttet ohcat
Mii váldit vuostá ohcamušaid sihke dáiddáriin, dáiddáduojáriin ja frilanskuráhtorain govvadáiddasuorggis geat ásset Norggas dahje lea oktavuođa Norgii ja Sápmái. Sihke ovttaskas dáiddárat ja kuráhtorat, ja dáiddárjoavkkut sáhtet ohcat.
Kunstnerforbundet háliida máŋggabealat ja girjái prográmma ja ávžžuhit buot ámmátlaš dáiddáriid ja duojáriid ohcat, beroškeahttá dáiddaoahppus ja miellahttovuođas dáiddaservviin, sohkabelis, čearddalašvuođas, oskkus, doaibmanávccain, agis ja sojus.
Rievdadusat almmuhusas
Kunstnerforbundet lea dáhkan rievdadusaid čájáhussajiid almmuhussii:
Almmuhus guovtti jagi ovddas: Min jahkkásaš almmuhusas lea leamašan nu ahte sáhttá ovtta jagi ovddas ohcat čájáhussaji. Dán jagi rájes mii almmuhat juohke nuppi jagi ja čájáhusprográmmaáigodat lea guokte jagi. Dat mearkkaša ahte dán jagi sáhttá ohcat čájáhussaji 2027 ja 2028 áigodagas. Ohcanskovis sáhttá válljet goappá jagis háliida čájáhusa doallat.
Ođđa ohcangáibádusat: Jus du lea leamašan čájáhus Kunstnerforbundetas dáid 5 maŋimuš jagi (maŋŋá 1. b. čákčamánu 2020), dahje jus dus galgá leat eará čájáhus Oslos 2027 ja 2028:s, de don it sáhte ohcat čájáhussaji dáppe.
Mo ozat
Ohcamuššii deavddát prošeaktačilgehusa, guđe lanjas háliidat čájehit, goappá jagi hálidat čájáhusa, dáiddár-CV ja mielddustit dáiddalaš duođaštusa ovddeš dáiddabargguin dahje evttohusaid čájáhussii govaid, video dahje jiena bokte. Ohcamuša sáhtat čállit sámegillii, dárogillii, skandinaválaš gielain dahjege eaŋgalasgillii.
Ohcamuš sáddejuvvo Kunstnerforbundeta digitála ohcanportála bokte ovdal ohcanáigemeari. Loga fal almmuhusa dárkilit ovdal go deavdigoađat ohcanskovi, ja fuomáš ge ohcamušteavstta guhkodatráji ja galle mildosa beassá ohcamuššii bidjat.
Ohcamušat mat eai leat ollásmahttán ohcanáigemearrái, dahje mat leat váilevaččat, hilgojuvvojit. Dađi bahábui, mii eat váldde vuostá ohcamušaid e-poastta dahje reivve bokte, PDF dahje eará hámiin, ja eat ge sáhtte rievdadit dahje lasihit maidege ohcamuššii maŋŋá ohcanáigemeari.
Ohcansiidu gidde maŋŋá ohcanáigemearri nohkká.
Geat árvvoštallet ohcamušaid
Kunstnerforbundeha stivra ja beaivválaš jođiheaddji lea árvvoštallanlávdegoddi. Sii árvoštallet ohcamušaid fágalaččat ja mearridit čájáhusprográmma 2027-2028 Kunstnerforbundetas.
Beaivemearit
Áigemearri ohcat: Vuossárga čakčamánu 1. beaivvi 2025 dii. 24.00.
Vástádusa boahtá birrasii ođđajagi.
Gažaldagat ohcamuša birra?
Váldde fal oktavuođa buori áiggis ovdal ohcanáigemeari.
Loga eambbo Kunstnerforbundet birra ja ovddeš ja dálá čájáhusaid dás.
Čájáhusohcamuša skovvái deavddát:
Oanehis prošeaktačilgehusa mii govvida ja evttoha čájáhusa ja oanehaččat iežat dáiddálaš doaimmaid birra. Eanemusat 2000 čállinmearkka oktan gaskkaiguin.
Sávahahtti čájáhuslatnja. Sáhtat válljet guđe lanjas dahje lanjain háliidat čájehit, dahjege guođđit rabasin.
Čájáhusjahkki. Vállje 2027 dahje/ja 2028:s.
Dáiddár-CV. Mielddus ovtta PDF-fiilla mii lea eanemusat 2 siiddu ja ii stuoribut go 2 MB.
Govat mat čájehit dáiddabargguid, dáiddaprošeavttaid ja/dahje ovddeš čájáhusa(id), dahje mat govvidit dahje doibmet čájáhusa evttohussan. Ohcamuššii sáhttá mielddustit 6 gova. Govvafiillat fertejit leat JPG-formáhtas ja juohke fiila ii berre leat stuoribut go 2 MB. Fuom: Eará fiilaformáhtat eai dohkkehuvvo, dušše JPG.
Video dahje jietna mii čájeha dahje iešalddis lea dáiddabargu. Mii váldit vuosttá liŋkka mii čujuha ovtta video- dahje jietnafiilii mii bistá eanemusat 5 minuvtta. Video dahje jietnafiila sáhttá gal sisdoallat oasit mat čájehit iešguđet dáiddabargguid. Čális liŋkka ovtta olggoldas neahttasiidui (YouTube, Vimeo, Soundcloud jna) gos filmma/jiena beasse geahččat ja guldalit. Jus leat čoavdinsániin suddjen dan siiddu, čális fal čoavdinsáni ohcanskovvái, vai árvvoštallanjoavku beassá sisa. Fuom: Čális dušše ovtta neahttačujuhusa liŋkaruođu sisa, muđui dat liŋkka ii dáidde doaibmat.
Ohcamuš dáiddárjoavkkus:
Oktasaš geavaheaddji ja ohcamuš: Dáiddárjoavkkut sáhtet ohcat, ja ovtta olbmos ferte leat ovttasvástádus ráhkadit sierra geavaheaddji dán siidui ja ohcamuša sáddet joavkku várás.
Dáiddár-CV: Dáiddárat sáhtet ovttaskas CV:guin ohcat, muhto ferte daid čohkket ovtta dokumentii, ja vurket ovtta PDF-fiilan mii lea eanemustá 2 MB stuoris.
Govat: Joavkkut sáhttet mielddustit oktiibuot 6 gova. Jus háliida čájehit eambbo govaid dáiddabargguin olles joavkkus, de sáhttá hábmet visuála presentašuvnna, masa bardá eanet govaid bálddalagaid juohke govvafiilii (geavat omd. Powerpoint, Adobe InDesign, Canva dahje eará reaidduid). Govvafiillat fertejit leat JPG-formáhtas ja juohke fiila ii sáhte leat stuoribut go 2 MB. Fuom: Eará fiilaformáhtat eai dohkkehuvvo, dušše JPG.
Video dahje jietna: Mii váldit vuosttá ovtta video dahje jietnafiilla mii bistá eanemusat 5 minuvtta. Video dahje jietnafiila sáhttá gal sisdoallat oasit mat čájehit iešguđet dáiddabargguid. Loga muđuid dieđuid dás badjelis.
Ohcamuš kurahtoris:
Frilánsakurahtoraide leat seamma gáibádusat go dáiddáriidda ja joavkkuide. Jus ozat čájáhusain mas lea okta dahje eanet dáiddárat, de ferte sihke kurahtora ja dáiddára/-iid CV:at, govat ja video/jietna mielddustit nu mo lea joavkkuide čilgehuvvon.
Dehálaš dieđut muđui dán ohcansiiddu:
Juohke ohcci/geavaheaddji sáhttá dušše ovtta čájáhusohcamuša ohcansiiddu bokte sáddet sisa. Jus ozat sihke ieš dáiddárin ja joavkku mielde, de ferte sierra geavaheaddjikonto goabbáige.
Juohke ohcci ferte ođđa geavaheaddji ohcansiidui dieđihit. Don oaččut e-poastta bokte liŋka mainna beasat sisa, baicce go ráhkadit beassansáni. Dán liŋkka geavahat sihke go dieđihat ođđa geavaheaddjin ja go áiggut ođđasit beassat sisa. Persovdnagáhttema (GDPR) dihtii, mii sihkkut buot ohcamušaid ja geavaheaddjiid jagi maŋŋá ohcanáiggi.
Sáhtát vurket ohcamuša dađistaga barggadettiin gitta ohcanáigemearrái. Maŋŋá go lea sádden dan sisa de ii sáhte šat rievdadit ohcamuša.
Mii dáhttut du buori áiggis válmmastit ja sáddet sisa ohcamuša, amas eai šatte váttisvuođat ja liigenoađuheapmi min siiddus go olu ohccit leat oktanaga siste. Muitte fal deaddilit "Sádde sisa" go leat válmmastan ohcamuša.
Lihkku lehkos!